Reperi i njohur Mozzik ka vizituar ish-kryetarin e PDK-së, Kadri Veselin, i cili është një nga krerët e arrestuar në Hagë.

Mozzik vizitën e cilësoi si një rrugë pikëlluese.

Ai tregoi se kanë biseduar për shumë gjëra dhe kanë qeshur shumë së bashku, duke shtuar se është e dhimbshme se në çfarë horizontesh po kalon lufta e pastër e UÇK-së.

“Vizita në burg te Kadri Veseli është një rrugë pikëlluese në një peisazh të errët, ku drita e lirisë shuhet në prangat e mbylljes.

Në këtë vend të ndaluar, emocionet e humbjes dhe shpresës përplasen në një përjetim të thellë të vuajtjes së njeriut, duke përforcuar nevojën për drejtësi dhe për një të ardhme më të ndritshme.

Vallai Kadria o burrë amo burrë burrë ata që e njofin e njofin.

Disa djem atëherë me disa armë që morën rrugën për me çliru Kosovën , po rrinë në burg .

Po e paguajnë shumë shtrenjtë çmimin e lirisë .

E dhimbshme , e trishtë se në çfarë horizonte është lakuar lufta e pastërt e UÇk-së .

Lutem që rinia,brezi i ri të informohet me historinë e shtetit tonë më shumë , me luftën me lirinë dhe me gjithçka që po kalojmë.

Biseduam shumë gjëra frymëzuese e besa edhe qeshëm shumë së bashku.

Të fala keni të gjithë !

Zoti iu dhashtë shëndet e forcë ta mbroni këtë rrugëtim të lirisë të shtetit tonë Kosovë”, shkruan Mozzik.

Kujtojmë se kjo nuk është hera e parë që Mozzik viziton Veselin në Hagë./Arbresh.info/